रत्नागिरी जिल्ह्यातील मावळंगे-नातुंडे ग्रामपंचायतीच्या नूतन इमारतीचा उद्घाटन सोहळा रविवार, दिनांक ३० ऑगस्ट २०२६ रोजी दुपारी १२ वाजता आयोजित करण्यात आला आहे.
मावळंगे-नातुंडे ग्रामपंचायतीच्या वतीने आयोजित करण्यात आलेल्या या कार्यक्रमाचे उद्घाटन महाराष्ट्र राज्याचे उद्योग व मराठी भाषा मंत्री तथा रत्नागिरी जिल्ह्याचे पालकमंत्री मा. ना. डॉ. उदयजी सामंत साहेब यांच्या शुभहस्ते होणार आहे.
या कार्यक्रमास रत्नागिरी-सिंधुदुर्ग लोकसभा मतदारसंघाचे खासदार मा. ना. श्री. नारायण राणे साहेब यांची प्रमुख उपस्थिती राहणार आहे.
कार्यक्रमाच्या निमित्ताने ग्रामपंचायत पदाधिकारी, सदस्य तसेच ग्रामस्थांची उपस्थिती राहणार असून नूतन ग्रामपंचायत इमारतीमुळे स्थानिक नागरिकांना अधिक सुसज्ज व सुविधाजनक प्रशासकीय सेवा उपलब्ध होण्यास मदत होणार आहे.
या उद्घाटन सोहळ्यास ग्रामस्थांनी मोठ्या संख्येने उपस्थित राहावे, असे आवाहन ग्रामपंचायत अधिकारी मा. सौ. मानसी नागले, उपसरपंच मा. श्री. दीपक जाधव आणि सरपंच मा. सौ. नम्रता बिर्जे यांच्यासह ग्रामपंचायत सदस्यांनी केले आहे.
स्थळ: ग्रुप ग्रामपंचायत मावळंगे-नातुंडे, ता. जि. रत्नागिरी
दिनांक: रविवार, ३० ऑगस्ट २०२६
वेळ: सकाळी ११.०० वाजता
